آمريڪي صدر ڊونلڊ ٽرمپ چيو آهي ته آبنائي هرمز کي مڪمل طور تي کوليو ويو آهي ۽ ايران ان آبي گذرگاهه ۾ تمام سٺو ڪم ڪري رهيو آهي، پر جيڪڏهن ايران معاهدي تي عمل نه ڪيو ته هو ضروري قدم کڻندا. وائيٽ هائوس ۾ ميڊيا سان ڳالهائيندي صدر ٽرمپ چيو ته آبنائي هرمز، جيڪا خطي ۾ سامونڊي واپار لاءِ اهم سمجهي ويندي آهي، هاڻي مڪمل طور تي آپريشنل آهي. هن چيو ته آبنائي هرمز کي مڪمل طور تي کوليو ويو آهي ۽ ايران ان معاملي ۾ تمام سٺو ڪم ڪري رهيو آهي. جڏهن ته آمريڪي صدر ايران کي به سخت لفظن ۾ خبردار ڪيو آهي ته جيڪڏهن تهران معاهدي تي عمل نه ڪيو ته آمريڪا ضروري قدم کڻندو. هن چيو ته جيستائين ايران آمريڪا ۽ عالمي معاهدن جو احترام ڪندو رهندو تيستائين ٻنهي ملڪن ۾ تڪرار نه ٿيندو. صدر ٽرمپ جو چوڻ هو ته ايران جلد وڏي پيماني تي هٿيارن جي معائنن تي راضي ٿي ويندو ۽ ڊگهي مدي واري ايٽمي شفافيت کي يقيني بڻائڻ جو خواهشمند آهي. صدر ٽرمپ پنهنجي سوشل ميڊيا پليٽ فارم تي جاري ڪيل بيان ۾ چيو ته سڀني کي پوري طرح خبر آهي ته ايران مستقبل ۾ ايٽمي سالميت کي يقيني بڻائڻ لاءِ هٿيارن جي وسيع چڪاس تي راضي ٿي ويندو. ٻئي طرف ايران به اعلان ڪيو آهي ته هو عالمي ايٽمي توانائي ايجنسي سان تعاون جاري رکندو پر ان لاءِ ملڪي قانونن ۽ اعليٰ قومي ادارن جي فيصلن جي پاسداري کي لازمي قرار ڏنو آهي. ايران جي سرڪاري خبر رساں ايجنسي IRNA موجب، پرڏيهي وزارت جي ترجمان اسماعيل بقائي چيو آهي ته ايران اڳ ۾ طئي ٿيل طريقيڪار جي مطابق عالمي ايٽمي توانائي ايجنسي سان پنهنجو تعاون جاري رکندو.
Source link
Leave a Comment Leave a Comment
