خيبرپختونخواهه جي گورنر فيصل ڪريم ڪنڊي وڏي وزير سهيل آفريدي کي عيدالاضحيٰ جي موقعي تي پنجاب طرز تي لاڪ ڊائون ختم ڪرڻ جي تجويز ڏني. خيبرپختونخواهه جي گورنر جي پريس سيڪريٽري پاران جاري ڪيل بيان ۾ چيو ويو آهي ته گورنر فيصل ڪريم ڪنڊي وڏي وزير سهيل آفريدي سان ٽيليفون تي رابطو ڪري وڏي وزير کي پنجاب جي طرز تي لاڪ ڊائون ختم ڪرڻ جي تجويز ڏني. بيان موجب خيبرپختونخواهه جي گورنر دڪانن، مارڪيٽن، شاپنگ مالز ۽ ريسٽورنٽ کي استثنيٰ ڏيڻ جي تجويز ڏني جنهن تي وڏي وزير سهيل آفريدي گورنر فيصل ڪريم ڪنڊي جي تجويز تي اتفاق ڪيو آهي. خيبرپختونخواهه جي گورنر چيو ته دڪانن، مارڪيٽن ۽ شاپنگ مالز جي ڪم جي ڪلاڪن ۾ نرمي سان ڪاروباري برادري جو مالي نقصان گهٽ ٿيندو، عوام کي رليف فراهم ڪرڻ حڪومت جي اولين ترجيح هجڻ گهرجي. ڪاروباري سرگرميون بحال ٿيڻ سان صوبي جي معيشت مستحڪم ٿيندي. هن چيو ته واپاري برادري جي مشڪلاتن کان آگاهه آهي، حڪومت سندن مسئلن جي حل لاءِ قدم کڻي. ان موقعي تي گورنر ۽ وڏي وزير وچ ۾ صوبي جي مجموعي صورتحال ۽ عوامي مسئلن تي به خيالن جي ڏي وٺ ڪئي وئي ۽ عوام جي سهولت ۽ معاشي سرگرمين جي بهتري لاءِ گڏيل حڪمت عملي اختيار ڪرڻ تي اتفاق ڪيو ويو.
Source link
Leave a Comment Leave a Comment
