راولپنڊي ۾ آءِ جي پي روڊ تي 7 ورهين جي وصال جي خبيب ڪالوني جي کليل نالي ۾ ڪري پئي، ان افسوسناڪ واقعي جي سي سي ٽي وي فوٽيج سامهون اچي وئي آهي. سي سي ٽي وي فوٽيج ۾ ڏسي سگهجي ٿو ته 5 ٻار نالي جي ڪناري تي کيڏي رهيا هئا. راند دوران 7 ورهين جو وصال هڪ ٻار جي ڌڪ لڳڻ سبب توازن برقرار نه رکي سگهيو ۽ سڌو کليل نالي ۾ ڪري پيو. اهو افسوسناڪ واقعو 3 ڏينهن اڳ راولپنڊي ڪنٽونمينٽ بورڊ جي علائقي حبيب ڪالوني ۾ پيش آيو، جتي تيز برسات سبب نالي ۾ پاڻي جو وهڪرو تيز هو ۽ ڪجهه ئي لمحن ۾ ٻارڙي ٻڏي فوت ٿي ويو. علائقي واسين جو چوڻ آهي ته راولپنڊي ڪنٽونمينٽ بورڊ طرفان واقعي واري هنڌ تي ڪي به موثر امدادي ڪارروايون نظر نه آيون، جڏهن ته علائقي واسين ۽ ريسڪيو 1122 واقعي کانپوءِ ڳولا شروع ڪري ڏني. واقعي کانپوءِ ٽن ڏينهن جي جاري سرچ آپريشن کانپوءِ 7 ورهين جي ٻارڙي وصال جو لاش نالا لئي جي علائقي گولمنڊي مان هٿ آيو، جنهن بعد علائقي ۾ سوڳ جي فضا پکڙجي وئي. راولپنڊي ڪنٽونمينٽ بورڊ واري علائقي ۾ پيش آيل اهو واقعو هڪ ڀيرو ٻيهر شهري علائقن ۾ کليل نالن، حفاظتي باڙ ۽ بروقت امدادي نظام جي کوٽ تي سنگين سوال اٿاري ٿو، جتي قيمتي انساني جانيون ضايع ٿيون آهن.
Source link
Leave a Comment Leave a Comment
