پاڪستان سپر ليگ (پي ايس ايل) جي ٽيم راولپنڊي ايس ايس يو هيڊ ڪوارٽر جو دورو ڪيو.
تفصيل موجب راولپنڊي ٽيم جي رانديگرن ۽ آفيسرن جي وفد يونٽ جي اعليٰ پروفيشنلزم ۽ آپريشنل صلاحيتن کي ساراهيو.
دوري دوران وفد SSU جي طريقيڪار ۽ سهولتن جو جائزو ورتو.
هن سيڪيورٽي معيار کي برقرار رکڻ لاءِ يونٽ جي لگن ۽ موثر حڪمت عملي کي ساراهيو.
ڊي آءِ جي سڪيورٽي ڊاڪٽر مقصود احمد وفد جو استقبال ڪيو ۽ کين بريفنگ ڏني ته جديد سڪيورٽي چيلينجز کي منهن ڏيڻ لاءِ ايس ايس يو کي عالمي معيار موجب اپ گريڊ ڪيو پيو وڃي.
هن وڌيڪ ٻڌايو ته يونٽ جي آپريشنل صلاحيتن کي مسلسل تربيتي پروگرامن ۽ جديد ٽيڪنالاجي جي استعمال ذريعي مضبوط ڪيو پيو وڃي.
هن چيو ته اهي قدم راندين جي وڏن ايونٽس دوران رانديگرن، آفيسرن ۽ مداحن لاءِ محفوظ ماحول کي يقيني بڻائڻ لاءِ کنيا پيا وڃن.
ڪمانڊنٽ ايس ايس يو عامر خان نيازي يونٽ جي مختلف کاتن جو دورو ڪيو ۽ وفد کي کاتن جي ڪارڪردگي ۽ ڪمن بابت بريفنگ ڏني.
دوري دوران رانديگرن ۽ آفيسرن ايس ايس يو جي انڊور شوٽنگ رينج ۾ شوٽنگ جي عملي مشقن ۾ پڻ حصو ورتو.
