لاهور:
پوليس گهٽي ۾ هلندڙ نوجوان ڇوڪري سان بدتميزي جو ڪيس داخل ڪري ورتو آهي، جڏهن ته واقعي جي سي سي ٽي وي فوٽيج به سامهون اچي وئي آهي.
پوليس ذريعن موجب راولپنڊي جي وارث خان ٿاڻي ۾ نابالغ ڇوڪرين سان بدتميزي ڪرڻ تي پوليس ڪيس داخل ڪري ورتو آهي. فوٽيجز ۾ ڏسي سگهجي ٿو ته جوابدار سيد پوري گيٽ ڀرسان گهٽين ۾ ڇوڪرين سان بدتميزي ڪري رهيو آهي.
اڻڄاتل جوابدار جي سي سي ٽي وي فوٽيج سوشل ميڊيا تي وائرل ٿي وئي آهي، جنهن ۾ ڏسي سگهجي ٿو ته جوابدار نابالغ ڇوڪريءَ سان نامناسب حرڪتون ڪري فرار ٿي رهيو آهي. فوٽيج سامهون اچڻ بعد سي پي او سيد خالد همداني جوابدارن جي گرفتاري جو حڪم ڏئي ڇڏيو آهي.
پوليس جوابدارن جي سڃاڻپ ۽ گرفتاري لاءِ ٽيڪنيڪل وسيلا استعمال ڪري رهي آهي.
