آمريڪا ۾ جاري فيفا ورلڊ ڪپ 2026 جي شروعات سخت گرمي، نمي ۽ طوفاني موسم سبب ٿي رهي آهي، جنهن سبب ڪيترن ئي ميچن جي شيڊيول ۽ کيڏڻ جو انداز تبديل ڪرڻو پيو. رپورٽن مطابق اتر آمريڪا ۾ سخت گرمي جي لهر سبب ڪيترن ئي ميزبان شهرن ۾ گرمي پد 40 ڊگري سينٽي گريڊ کان به مٿي ٿي ويو، جڏهن ته نمي جي بلند سطح رانديگرن ۽ مداحن لاءِ مشڪلاتون پيدا ڪري ڇڏيون. ڊيلاس، هوسٽن، ميامي ۽ ڪنساس سٽي ۾ کيڏيون ڪيتريون ئي ميچون سخت گرمي ۾ آهن. ان صورتحال کي نظر ۾ رکندي، فيفا رانديگرن جي حفاظت لاءِ لازمي واٽر بريڪز (پيئڻ جي وقفي) ۽ ڪجهه ميچن جي شروعاتي وقتن ۾ به تبديلي ڪئي آهي. انگلينڊ بمقابله ڪانگو، بيلجيم بمقابله سينيگال ۽ يو ايس اي بمقابله بوسنيا هرزيگوينا سميت ڪيتريون ئي ميچون انتهائي گرمي ۽ نمي ۾ کيڏڻ جو امڪان آهي جنهن سان رانديگرن جي ڪارڪردگي ۽ ميچ جي رفتار متاثر ٿي سگهي ٿي. ٻئي طرف نه رڳو گرمي پر طوفاني موسم به ورلڊ ڪپ لاءِ چئلينج بڻجي وئي آهي. بجلي جي خطري سبب، ميچز فيفا جي حفاظتي پروٽوڪول تحت فوري طور تي روڪيا ويا آهن. ان کان اڳ ميڪسيڪو ۽ ايڪواڊور وچ ۾ ميچ به وڄ جي خطري سبب اٽڪل هڪ ڪلاڪ دير سان شروع ٿي هئي، جڏهن ته اوڀر ۽ ڏکڻ آمريڪا جي مختلف ميزبان شهرن ۾ ايندڙ ناڪ آئوٽ ميچن دوران به اهڙي صورتحال پيدا ٿيڻ جو خدشو آهي.
Source link
Leave a Comment Leave a Comment
