پاڪستان ريڊ بال ٽيم جي هيڊ ڪوچ سرفراز احمد ويسٽ انڊيز خلاف پهرين ٽيسٽ ۾ 90 رنسن تان شڪست کانپوءِ ٻئي ميچ لاءِ پلينگ اليون ۾ تبديلين جو اشارو ڏنو آهي.
ميچ کانپوءِ پريس ڪانفرنس ڪندي هن چيو ته ٽيم جي بيٽنگ ڪارڪردگي مايوس ڪندڙ هئي، خاص ڪري ٻي اننگز ۾ ٽيم هڪ ڀيرو ٻيهر اميدن تي پورو نه لهي ۽ اهو ئي شڪست جو وڏو سبب هو.
سرفراز چيو ته ٽيم کي پهرين اننگز ۾ اڳڀرائي ڪرڻ گهرجي ها پر موقعو ضايع ڪيو ويو.
هن چيو ته امام الحق سٺي بيٽنگ ڪري رهيو آهي، جيڪڏهن هو ٿورو صبر سان کيڏي ها ته ٽيم بهتر پوزيشن ۾ اچي سگهي ها.
هيڊ ڪوچ ٽئين ڏينهن به بالرز جي ڪارڪردگي تي مايوسي جو اظهار ڪندي چيو ته ويسٽ انڊيز کي اٺين وڪيٽ تي 61 رنسن جي پارٽنرشپ ٺاهڻ جو موقعو نه ڏيڻ گهرجي ها.
هن پنج بالرن سان فيلڊنگ ڪرڻ جي فيصلي جو دفاع ڪندي چيو ته ٽيم حالتن کي صحيح نموني ڏٺو هو.
سرفراز جو وڌيڪ چوڻ هو ته سعود شڪيل ۽ عبدالله شفيق جي سليڪشن تي غور جاري آهي پر حتمي فيصلو ميچ جي صورتحال ۽ وڪيٽ ڏسي ڪري ڪيو ويندو.
