ڪراچي:
سون جي عالمي ۽ مقامي مارڪيٽن ۾ اڄ مسلسل چوٿين ڏينهن به سون جي قيمتن ۾ گهٽتائي رڪارڊ ڪئي وئي.
عالمي بلين مارڪيٽ ۾ اڄ اربع ڏينهن سون جو في اونس اگهه 47 ڊالر گهٽتائي سان 4 هزار 78 ڊالر رهيو. ڪاروباري هفتي جي ٽئين ڏينهن سون جو في تولو اگهه 4 هزار 700 رپين جي گهٽتائي سان 4 لک 30 هزار 236 رپيا ٿي ويو.
اهڙي طرح مقامي سطح تي سون جي في 10 گرام جي قيمت 4 هزار 29 رپيا گهٽتائي سان 3 لک 68 هزار 858 رپيا ٿي وئي.
عالمي مارڪيٽ ۾ چاندي جو في اونس اگهه 1 ڊالر 38 سينٽ جي گهٽتائي سان 59 ڊالر 42 سينٽس ٿي ويو، جنهن سان چانديءَ جو في تولو اگهه به 138 رپيا گهٽجي 6 هزار 421 رپيا ۽ چاندي جو في 10 گرام اگهه 119 رپين جي گهٽتائي سان 5 هزار 504 رپيا ٿي ويو.
