ملڪي تاريخ ۾ پهريون ڀيرو پاڪستان 4 هزار 722 ارب رپيا مقرر مدي کان اڳ واپس ڪري نئين تاريخ رقم ڪري ڇڏي.
ناڻي واري صلاحڪار خرم شهزاد موجب پاڪستان هن وقت تائين 4 هزار 722 ارب رپيا ادا ڪري چڪو آهي، جيڪو تقريبن 17 ارب آمريڪي ڊالر آهي، مقرر تاريخ کان اڳ.
ناڻي واري صلاحڪار چيو ته مالي سال 26ع ۾ قرضن جي اڳڀرائي مالي سال 25ع جي ڀيٽ ۾ 62 سيڪڙو وڌيڪ هئي، 51 سيڪڙو اڳ ادائيگيون اسٽيٽ بئنڪ ۽ 49 سيڪڙو ٻين مالياتي ادارن مان هيون.
خرم شهزاد موجب پاڪستان جي قرضن کان جي ڊي پي جو تناسب 75 سيڪڙو کان گهٽجي 68.5 سيڪڙو تائين پهچي ويو آهي، بهتر انتظام جي حڪمت عملي، سيڙپڪارن جو اعتماد ۽ ملڪ جو مالياتي استحڪام مضبوط ٿيو آهي، بهتر قرضن جي انتظام سان پاڪستان مضبوط، پائيدار ۽ گهٽ لاڳت واري مالياتي نظام طرف وڌي رهيو آهي.
