Empac Strategies جي هڪ تحقيقي رپورٽ ۾ انڪشاف ٿيو آهي ته پاڪستان وچ ايشيائي رياستن مان ٽرانزٽ ۽ لاجسٽڪ جي مد ۾ هر سال 3 بلين ڊالر ڪمائي سگهي ٿو. اسلام آباد ۾ انٽيگريشن آف ٽريڊ، اسڪلز، سياحت ۽ ٽرانزٽ لاءِ اسٽريٽجڪ فريم ورڪ 35-2026، ايمپيڪ اسٽريٽجيز جي تحقيقي رپورٽ جي افتتاحي تقريب اسلام آباد ۾ ٿي، جنهن ۾ تعليم ۽ ووڪيشنل ٽريننگ واري وفاقي وزير ڊاڪٽر خالد مقبول صديقي خاص مهمان طور شرڪت ڪئي. Empac Strategies جي هڪ تحقيقي رپورٽ پاڪستان لاءِ هڪ روڊ ميپ پيش ڪري ٿي ته جيئن پنجن وچ ايشيائي ملڪن قزاقستان، ازبڪستان، ڪرغزستان، تاجڪستان ۽ ترڪمانستان لاءِ واپار، توانائي، سياحت، ماهر افرادي قوت، لاجسٽڪس ۽ ٽرانزٽ لاءِ ترجيحي ڏکڻ گيٽ وي بڻجي وڃي. رپورٽ موجب 2024ع ۾ پاڪستان ۽ وچ ايشيائي رياستن جي وچ ۾ ڪل ٻطرفي واپار 525 ملين ڊالر هو، جيڪو خطي جي اقتصادي صلاحيت جي مقابلي ۾ تمام گهٽ آهي. تحقيقي رپورٽ ۾ واپار، توانائي، سياحت، انساني وسيلن، لاجسٽڪ ۽ ٽرانزٽ انٽيگريشن کي اقتصادي تعاون جا پنج اهم ٿنڀ قرار ڏنو ويو آهي ۽ چيو ويو آهي ته ايندڙ 10 سال فيصلا ڪندڙ آهن ۽ بروقت قدمن سان پاڪستان وچ ايشيا، چين ۽ عربي سمنڊ جي وچ ۾ اهم معاشي پل بڻجي سگهي ٿو. تعليم ۽ ووڪيشنل ٽريننگ واري وفاقي وزير ڊاڪٽر خالد مقبول صديقي تقريب کي خطاب ڪندي نوجوانن کي جديد مهارتن سان آراسته ڪرڻ ۽ خطي جي بدلجندڙ معاشي ضرورتن مطابق انساني وسيلن کي تيار ڪرڻ جي اهميت تي زور ڏنو. هن چيو ته پاڪستان جي 60 سيڪڙو کان وڌيڪ آبادي نوجوانن تي مشتمل آهي، وزيراعظم شهباز شريف جي ويزن موجب حڪومت جديد دور جي تقاضائن موجب وڌيڪ کان وڌيڪ نوجوانن کي مهارت رکندڙ بڻائڻ جي پاليسي تي عمل ڪري رهي آهي. نيو ٽيڪ جي اڳوڻي چيئرپرسن گلمينا بلال احمد چيو ته پاڪستان جي ماهر افرادي قوت کي وچ ايشيا جي صحت، تعمير، مائننگ، آئي ٽي، زراعت ۽ هوٽل جي شعبن جي ضرورتن سان ڳنڍڻ جي ضرورت آهي. مهارتن جي تصديق، مهارتن جي سفارتڪاري ۽ ٻه طرفي مزدور معاهدا نوان اقتصادي موقعا پيدا ڪري سگھن ٿا. ايمپيڪ اسٽريٽجيز جي عزيز احمد چيو ته پاڪستان کي واپار، توانائي، سياحت، مهارت رکندڙ افرادي قوت، لاجسٽڪ ۽ وچ ايشيا ڏانهن ٽرانزٽ لاءِ ترجيحي ڏکڻ گيٽ وي بڻجڻو پوندو، رڳو برآمدات وڌائڻ بدران.
Source link
Leave a Comment Leave a Comment
