سينيگال جي صدر بسيرو دومئي وزيراعظم کي عهدي تان هٽائي حڪومت کي ٽوڙڻ جو اعلان ڪري ڇڏيو آهي.
ميڊيا رپورٽن موجب صدر جي اهڙي اعلان کانپوءِ ملڪي سياست ۾ هڪ نئون اٿل پٿل اچي ويو آهي.
صدارتي آفيس طرفان جاري ڪيل بيان ۾ چيو ويو آهي ته اهو فيصلو حڪومت اندر پاليسي اختلافن ۽ انتظامي مسئلن سبب ناگزير هو. نئين ڪابينا جلد جوڙي ويندي ته جيئن حڪومتي معاملا موثر طريقي سان هلائي سگهجن.
مخالف ڌر جي پارٽين ان فيصلي تي سخت ردعمل ظاهر ڪندي ان کي سياسي بحران قرار ڏنو، جڏهن ته حڪومتي حلقن جو چوڻ آهي ته اهو آئيني اختيار هيٺ ڪيل فيصلو آهي.
سياسي تجزيه نگارن موجب ان پيش رفت کانپوءِ ملڪ ۾ جلد چونڊون ٿيڻ يا نئين سياسي صف بندي جا امڪان به وڌي ويا آهن.
