قومي ڪرڪيٽ ٽيم جي اڳوڻي ڪپتان شاهد آفريدي مولانا محمد ادريس ترنگزئي کي شاندار لفظن ۾ خراج عقيدت پيش ڪيو آهي.
سوشل ميڊيا ويب سائيٽ تي جاري ڪيل بيان ۾ شاهد آفريدي لکيو ته ممتاز عالم دين شيخ الحديث حضرت مولانا محمد ادريس ترنگزئي جي بزدلاڻي حملي ۾ شهادت جي خبر تي کيس تمام گهڻو ڏک ٿيو آهي.
شاهد آفريدي چيو ته علم ۽ پرهيزگاري جو هي ستارو هميشه ياد رکيو ويندو. اميد آهي ته جلد قاتل بي نقاب ٿيندا. هن دعا ڪئي ته الله تعالٰي مرحوم کي بلند درجات عطا فرمائي ۽ پونئرن کي صبر جي توفيق عطا فرمائي.
