اسلام آباد:
بجلي صارفين لاءِ خراب خبر اها آهي ته سي پي پي اي يونٽ جي قيمتن ۾ واڌ جي درخواست ڪئي آهي.
نجي ٽي وي مطابق سي پي پي اي پاران سڄي ملڪ ۾ بجلي جي اگهن ۾ 82 پئسا في يونٽ واڌ جي باضابطه درخواست نيپرا کي جمع ڪرائي وئي آهي.
سينٽرل پاور پرچيزنگ ايجنسي (سي پي پي اي) پاران مئي مهيني جي فيول پرائس ايڊجسٽمينٽ جي حوالي سان درخواست جمع ڪرائي وئي آهي. نيپرا 30 جون تي درخواست تي باضابطه ٻڌڻي ڪندي، جنهن ۾ ٽيڪنيڪل جائزي کانپوءِ متوقع شرح وڌائڻ يا برقرار رکڻ بابت حتمي فيصلو ڪيو ويندو.
سي پي پي اي پنهنجي موقف ۾ واضح ڪيو آهي ته مئي مهيني دوران بجلي جي پيداوار لاءِ فيول جي سراسري قيمت 9 رپيا 25 پئسا في يونٽ رهي آهي.
جيڪڏهن نيپرا اها درخواست منظور ڪري ٿي ته سڄي ملڪ جي بجلي صارفين تي 12 ارب رپين جو اضافي مالي بار پوندو.
