ڪراچي:
عالمي ۽ مقامي منڊي ۾ سون ۽ چاندي جي قيمت ۾ وڌيڪ اضافو ٿيو آهي.
عالمي بلين مارڪيٽ ۾ اڄ اربع تي سون جي قيمت ۾ 35 ڊالر في اونس جو اضافو رڪارڊ ڪيو ويو، جنهن جي نتيجي ۾ سون جي نئين قيمت 4 هزار 811 ڊالر في اونس ٿي وئي.
ٻئي طرف عالمي مارڪيٽ ۾ ڪاروباري هفتي جي ٽئين ڏينهن 24 ڪيريٽ سون جي قيمت ۾ 3500 رپيا في تولا واڌ ٿي وئي.
اهڙي طرح مقامي سطح تي سون جي في 10 گرام جو اگهه به 3001 رپيا وڌي ويو ۽ نئين قيمت 4 لک 31 هزار 637 رپين جي سطح تي اچي وئي.
سون جي اگهن ۾ واڌ سان ملڪ ۾ چاندي به مهانگي ٿي وئي. في تولو 144 رپين جي واڌ سان چاندي جو نئون اگهه 8404 رپيا جڏهن ته 124 رپين جي واڌ سان 10 گرام چاندي جو اگهه 7205 رپين جي سطح تي پهچي ويو آهي.
واضح رهي ته ڇنڇر ۽ سومر ڏينهن عالمي ۽ مقامي سطح تي سون جي اگهن ۾ گهٽتائي کانپوءِ گذريل ڏينهن سون جي اگهن ۾ واڌ رڪارڊ ڪئي وئي هئي.
