اسلام آباد:
سولر واهپيدارن لاءِ خوشخبري، حڪومت 25 ڪلوواٽ کان گهٽ شمسي استعمال ڪندڙن لاءِ لائسنس جي شرط ختم ڪري ڇڏي آهي.
ايڪسپريس نيوز موجب توانائي واري وفاقي وزير سردار اويس احمد خان لغاري جي خاص هدايتن تي پاور ڊويزن نيپرا کي درخواست ڪئي هئي ته 25 ڪلوواٽ ۽ ان کان گهٽ نيٽ ميٽرنگ سان سولر صارفين کان لائسنس جي شرط ختم ڪئي وڃي.
نيشنل پاور ريگيوليٽري اٿارٽي (نيپرا) پاور ڊويزن جي درخواست جي منظوري ڏئي ڇڏي آهي ته 25 ڪلوواٽ ۽ ان کان گهٽ جي نيٽ ميٽرنگ سولر صارفين لاءِ لائسنس جي شرط ختم ڪئي وڃي.
پاور ڊويزن جي خط کانپوءِ نيپرا به ان حوالي سان نوٽيفڪيشن جاري ڪري ڇڏيو آهي.
