وومين ٽي 20 ورلڊ ڪپ کان اڳ لنڊن جي مشهور واٽر لو برج کي ڪرڪيٽ جي ميدان ۾ تبديل ڪيو ويو ۽ ڪپتانن لاءِ ٽرافي سان گڏ فوٽو سيشن جي تقريب منعقد ڪئي وئي.
تفصيل موجب 12 ٽيمن جا ڪپتان اسپيشل ڊبل ڊيڪر بس ذريعي پل تي پهتا ۽ اتي قائم عارضي پچ تي مداحن سان ڪرڪيٽ جي مختلف سرگرمين ۽ دلچسپ پروگرامن ۾ حصو ورتو.
تقريب کي ڪپتانن جي ڪارنيوال طور بليو ويو جنهن ۾ مداحن پڻ وڏي انگ ۾ شرڪت ڪئي.
ان دوران اسٽريٽ ڪرڪيٽ، تفريحي مقابلن ۽ ثقافتي سرگرمين سڄي ماحول کي رنگين ميلي ۾ تبديل ڪري ڇڏيو.
واضح رهي ته وومينز ٽي 20 ورلڊ ڪپ جي شروعات 12 جون تي برمنگهم ۾ ميزبان انگلينڊ ۽ سريلنڪا وچ ۾ ميچ سان ٿيندي، جڏهن ته فائنل 5 جولاءِ تي لارڊز ۾ کيڏيو ويندو.
ٽورنامينٽ ۾ انگلينڊ، ڀارت، آسٽريليا، بنگلاديش، آئرلينڊ، هالينڊ، نيوزيلينڊ، پاڪستان، اسڪاٽ لينڊ، ڏکڻ آفريڪا، سريلنڪا ۽ ويسٽ انڊيز جون ٽيمون حصو وٺي رهيون آهن.
