ڪراچي:
شهر قائد ۾ سائوٿ زون پوليس صدر زيب النساء اسٽريٽ تي جيولرز جي دڪان تي 10 ڪروڙ جي چوري جي جاچ دوران ماسٽر مائينڊ طارق کي گرفتار ڪري ورتو، جهنگ مان واردات لاءِ گهرايل ڊڪٽي مهتاب جي زال کي به گرفتار ڪري سندس قبضي مان سون، چاندي ۽ هيرن سان ڀريل پرس هٿ ڪيو ويو آهي.
واقعو هلندڙ سال 29 اپريل جي رات دير سان پيش آيو هو، جنهن ۾ جوابدار زيور جي دڪان مان ڪروڙين روپين جي سون، چاندي ۽ هيرن سان ڀريل سيف موٽرسائيڪل تي رکي فرار ٿي ويا هئا.
جاچ اختيارين موجب واقعي جو ماسٽر مائينڊ جوابدار طارق آهي، جنهن واقعي جي منصوبابندي ڪري جهنگ سان تعلق رکندڙ ڏوهاري مهتاب کي ڪراچي گهرايو هو، جنهن خلاف پنجاب جي مختلف ٿاڻن ۾ 18 ڪيس داخل آهن.
واقعي کان هڪ مهينو اڳ مهتاب طارق جي مدد سان ابن سينا واري علائقي ۾ هڪ ڪوارٽر ڪرائي تي ورتو، جنهن بعد مهتاب جهنگ مان پنهنجي هڪ ٻئي ساٿي حسن عرف بلو کي ڪراچي گهرايو.
جوابدار واقعي لاءِ موٽرسائيڪل به چوري ڪئي ۽ دڪان جا تالا ڪٽي اندر داخل ٿيا ۽ اتي رکيل سامان کڻي ويا. ان دوران بازار جو چوکيدار به اتي پهچي ويو، جنهن کي جوابدار مجبور ڪري کيس سيف کڻڻ ۾ مدد ڪئي.
بعد ۾ جوابدارن سيف کي موٽرسائيڪل تي رکي ڇڏيو ۽ پنهنجي ڪوارٽرن ۾ پهتا جتي هڪ ڪلاڪ جي ڪوشش کانپوءِ سيف ٽوڙي ڇڏيا جنهن مان تيار ڪيل سون جا سيٽ، ڪچو سون، چاندي ۽ قيمتي هيرا نڪري آيا.
پوليس کان بچڻ لاءِ ملزم مهتاب پنهنجي زال عائشه کي موٽرسائيڪل تي حيدرآباد وٺي ويو، جتي پنجاب مان اڳواٽ بک ٿيل ڪار هئي، جيڪا سندس ماءُ کڻي آئي.
جڏهن ته جوابدار مهتاب پنهنجي زال عائشه کي واپس ڪراچي موڪلي ڇڏيو ۽ پوليس کيس ساڳئي ڪوارٽر مان گرفتار ڪري ورتو، جنهن بعد پوليس 100 سيڪڙو چوري ٿيل سامان هٿ ڪري ورتو، جڏهن ته پوليس مهتاب ۽ سندس ساٿين جي ڳولا ۾ سرگرم آهي.
