پاڪستان نيوي عربي سمنڊ ۾ انساني همدردي جي بنياد تي ريسڪيو آپريشن شروع ڪري ڇڏيو آهي، جنهن دوران جهاز ”ايم وي گوتم“ تي سوار 6 ڀارتي ۽ هڪ انڊونيشيائي عملو هنگامي امداد فراهم ڪري رهيا آهن.
سڪيورٽي ذريعن موجب ممبئي جي ميري ٽائيم ريسڪيو اينڊ ڪوآرڊينيشن سينٽر اومان کان ڀارت ويندڙ ايم وي گوتم جهاز ۾ فني خرابي پيش اچڻ تي پاڪستاني اختيارين سان رابطو ڪيو.
ان تي فوري ڪارروائي ڪندي پاڪستان نيوي پاڪستان ميري ٽائيم سيڪيورٽي ايجنسي جو جهاز ”ڪشمير“ ريسڪيو آپريشن لاءِ روانو ڪيو.
ذريعن موجب جهاز ۾ موجود پرڏيهي عملدارن کي خوراڪ، طبي امداد ۽ ٽيڪنيڪل سپورٽ فراهم ڪئي پئي وڃي، جڏهن ته پاڪ بحريه جو چوڻ آهي ته سمنڊ ۾ ڪنهن به هنگامي صورتحال ۾ موثر مدد فراهم ڪرڻ لاءِ هر وقت تيار ۽ پرعزم آهي.
