مراڪش جي مشهور اداڪارا، ڊانسر ۽ بالي ووڊ جي ڳائڻي نورا فتيحي فيفا ورلڊ ڪپ 2026 جي آفيشل ميوزڪ پروجيڪٽ جي حصي طور پنهنجو نئون گانا ”سيئر سيئر“ جاري ڪري ڇڏيو آهي.
گيت ٽورنامينٽ جي آفيشل ميوزڪ البم جو حصو آهي، جنهن ۾ سڄي دنيا جا فنڪار شامل آهن.
تفصيل موجب ”سيئر سير“ مشهور ميوزڪ پروڊيوسر سنجوئي ۽ فرانسيسي ڳائڻي ويگيڊريم جي سهڪار سان تيار ڪئي وئي آهي. اهو پروجيڪٽ فيفا ورلڊ ڪپ لاءِ تيار ڪيل گلوبل ميوزڪ سيريز جو حصو آهي، جنهن جو مقصد مختلف ثقافتن کي ميوزڪ ذريعي هڪ پليٽ فارم تي گڏ ڪرڻ آهي.
ان کان اڳ ميڊيا رپورٽن ۾ ٻڌايو ويو هو ته نورا فاطمي فيفا ورلڊ ڪپ 2026 جي افتتاحي تقريب ۾ پرفارم ڪندي، واضح رهي ته ٽورنامينٽ جي افتتاحي تقريب 12 جون 2026 تي ڪيناڊا جي شهر ٽورانٽو جي بي ايم او فيلڊ ۾ ٿيندي.
نورا فاطمي ان کان اڳ قطر ۾ ٿيندڙ فيفا ورلڊ ڪپ جي افتتاحي تقريب ۾ به پرفارم ڪري چڪي آهي، جنهن کي عالمي سطح تي خوب ساراهيو ويو هو.
نئين گاني بابت ڳالهائيندي نورا فتحي چيو ته هي پروجيڪٽ سندس لاءِ خاص اهميت رکي ٿو ڇو ته ان کي مختلف ثقافتي اثرن کي گڏ ڪري ٺاهيو ويو آهي. سندس چوڻ هو ته هوءَ هڪ اهڙو گيت پيش ڪرڻ چاهي ٿي جنهن ۾ سندس شخصيت جي هر پهلوءَ جي عڪاسي هجي، ڇاڪاڻ ته هوءَ مراکش جي آهي، ڪينيڊا ۾ ڄائي ۽ پرورش ٿي، جڏهن ته هندستان ۾ ڪم ڪندي هندستاني ثقافت به سندس زندگيءَ جو اهم حصو بڻجي وئي آهي.
