راولپنڊي جي جڊيشل ڪمپليڪس ۾ مبينا طور تي ڌاڙن ۽ ڊانس پارٽين تي پوليس پاران ڪيس داخل ڪيو ويو آهي.
تفصيل موجب سيشن ڪورٽ جي چوڪيدار جي فرياد تي ٿاڻي سول لائنز ۾ ايف آءِ آر داخل ڪئي وئي.
ڪيس جي متن ۾ چيو ويو آهي ته سوشل ميڊيا تي هڪ وڊيو ڏٺي وئي جنهن ۾ مردن ۽ عورتن کي جڊيشل ڪمپليڪس جي اندر فحش حرڪتون ڪندي ڏٺو پيو وڃي.
عدالتي بيان موجب واقعو جڊيشل ڪمپليڪس جي ان حصي ۾ پيش آيو جيڪو وڪيلن پاران استعمال ڪيو ويندو آهي. ايف آءِ آر ۾ وڌيڪ چيو ويو آهي ته وڊيو ۾ شامل ماڻهن جا چهرا واضح طور تي ڏسي سگهجن ٿا.
پوليس موجب ڪيس داخل ٿيڻ بعد جوابدارن جي ڳولا شروع ڪئي وئي آهي، جڏهن ته واقعي جي وڌيڪ جاچ ڪئي پئي وڃي.
