فوجي محاذ تي ناڪامي کانپوءِ دشمن هائبرڊ جنگ جو رستو اختيار ڪيو آهي، ايراني انٽيليجنس وزارت جي دعويٰ

ايران جي انٽيليجنس وزارت دعويٰ ڪئي آهي ته دشمن کي فوجي محاذ تي شڪست جو منهن ڏسڻو پئجي ويو آهي، جنهن کانپوءِ هاڻي هو هائبرڊ جنگ ۽ ٻيون غير روايتي حربا استعمال ڪري رهيو آهي. پرڏيهي ميڊيا موجب ايراني انٽيليجنس وزارت موجب دشمن معاشي دٻاءُ، سائبر حملن، هٿيارن جي اسمگلنگ، ٽارگيٽ ڪلنگ ۽ ميڊيا پروپيگنڊا جهڙين حڪمت عملين ذريعي ايران کي نشانو بڻائڻ جي ڪوشش ڪري رهيو آهي. فارس نيوز ايجنسي جي مطابق، وزارت پنهنجي بيان ۾ چيو آهي ته “فوجي ميدان ۾ ناڪامي کان پوء، دشمن هاڻي نفسياتي جنگ، ذهني ۽ شعوري جنگ ۽ سماجي اشتعال ڏانهن وڌيو آهي.” ايراني اختيارين خبردار ڪيو آهي ته جاسوسي يا عليحدگي پسند سرگرمين ۾ ملوث عنصرن خلاف سخت قانوني ڪارروائي ڪئي ويندي ۽ قومي سلامتي خلاف ڪنهن به ڪارروائي کي برداشت نه ڪيو ويندو.



Source link