جاپان فيفا ورلڊ ڪپ جي تاريخ جي هڪ هزار هين ميچ ۾ تيونس کي 0-4 تان شڪست ڏئي ايونٽ جي ايندڙ مرحلي ڏانهن اهم قدم کنيو. ميچ ۾ اياس اودا ٻه گول ڪيا، جڏهن ته دائيچي ڪماڊا ۽ جونيا ايٽو هڪ هڪ گول ڪري ٽيم جي ڪاميابي ۾ مدد ڪئي. ميڪسيڪو جي اسٽيڊيو مونٽيري ۾ کيڏيل هن ميچ ۾ جاپان شروع کان ئي حریف ٽيم تي دٻاءُ برقرار رکيو. ان فتح سان جاپان گروپ ايف ۾ ٻن ميچن مان چار پوائنٽ حاصل ڪري ورتو آهي ۽ رائونڊ آف 32 لاءِ ڪواليفائي ڪرڻ جا موقعا روشن ڪري ڇڏيا آهن، ٻئي طرف هالينڊ سويڊن کي 1-5 تان شڪست ڏئي گروپ ۾ سرفهرست آهي، جڏهن ته جاپان به چئن پوائنٽن سان ٻئي نمبر تي آهي. سويڊن جا ٽي پوائنٽ آهن جڏهن ته تيونس اڃا تائين هڪ پوائنٽ حاصل نه ڪيو آهي. جاپان پنهنجو آخري گروپ ميچ خميس تي سويڊن خلاف کيڏندو، جڏهن ته هالينڊ جو مقابلو تيونس سان ٿيندو.
Source link
Leave a Comment Leave a Comment
