فيفا ورلڊ ڪپ 2026 جي پهرئين سيمي فائنل ۾ اسپين جي فرانس کي 0-2 تان شڪست ڏيڻ کانپوءِ سوشل ميڊيا تي پنج سال پراڻي پوسٽ ٻيهر وائرل ٿي وئي آهي.
جولاءِ 2021 ۾، هڪ ايڪس (اڳوڻي ٽوئيٽر) صارف دعويٰ ڪئي ته ارجنٽائن اسپين کي 2-3 تان شڪست ڏئي 2026 ورلڊ ڪپ جي فائنل ۾ ٽائيٽل کٽيندو.
ارجنٽائن صرف 2026 ورلڊ ڪپ فائنل ۾ اسپين کي شڪست ڏني، 3-2.
– dilemma (@actuallyimthe) جولاءِ 11، 2021
هن اڳڪٿي جو هڪ اهم حصو صحيح ثابت ٿيو آهي ڇو ته اسپين واقعي ورلڊ ڪپ جي فائنل ۾ پهچي چڪو آهي.
ٻئي طرف سيمي فائنل ۾ دفاعي چيمپيئن ارجنٽائن ۽ انگلينڊ وچ ۾ کيڏي ويندڙ ميچ به مداحن جي توجه جو مرڪز بڻيل آهي.
جيڪڏهن ارجنٽائن ڪامياب ٿيو ته فائنل ۾ ان جو مقابلو اسپين سان ٿيندو، جنهن کانپوءِ سوشل ميڊيا تي وائرل ٿيندڙ ان پراڻي اڳڪٿي جي سچائي تي وڌيڪ بحث ٿي سگهي ٿو.
هاڻ ڏسڻو اهو آهي ته 5 سال اڳ ڪيل اها اڳڪٿي ڪيتري حد تائين سچ ٿي.
ڇا ارجنٽائن اڄ کٽيندو ۽ فائنل ۾ اڳتي وڌندو ۽ پوءِ اسپين کي شڪست ڏيندو يا اھو ٻيو رستو ھوندو؟
