نيو يارڪ:
فيفا ورلڊ ڪپ 2026 ۾، ايڪواڊور شاندار واپسي ڪئي ۽ ناڪ آئوٽ اسٽيج لاءِ ڪواليفاءِ ڪرڻ لاءِ روايتي حریف جرمني کي 2-1 تان هارائي ڇڏيو، جڏهن ته نتيجي ۾ اسڪاٽ لينڊ جي ايندڙ رائونڊ ۾ پهچڻ جي اميدن کي به ڌڪ لڳو.
نيو جرسي ۾ کيڏيل ميچ جي شروعات جرمني جي حق ۾ ٿي ۽ ٻي ئي منٽ ۾ ليروئي سين فلورين ورٽز جي شاندار پاس تي گول ڪري ٽيم کي برتري ڏياري.
اوپننگ گول کانپوءِ ايڪواڊور سخت احتجاج ڪيو جڏهن ريفري پيڊرو ويٽ تي هاءِ بوٽ جي باوجود فاول نه چيو پر فيصلي خلاف احتجاج ٽيم جو حوصلو بلند ڪيو.
ست منٽن بعد، نيلسن انگولو هڪ طاقتور شاٽ سان سکور برابر ڪري ڇڏيو ۽ ايڪواڊور ٻئي هاف ۾ دٻاءُ برقرار رکيو.
ميچ جي 77 هين منٽ ۾ گونزالو پلاٽا ڪارنر تي موجود جرمن گول ڪيپر مينوئل نيور جي اڳيان بال تي پهتو ۽ فيصلو ڪندڙ گول ڪيو، جنهن کانپوءِ ايڪواڊور جا مداح خوشيءَ مان لهي ويا.
ان فتح سان ايڪواڊور نه رڳو ناڪ آئوٽ اسٽيج لاءِ ڪواليفائي ڪري ورتو پر هاڻي ايندڙ رائونڊ ۾ انگلينڊ خلاف ممڪنه ميچ لاءِ به راهه هموار ڪري ورتي آهي.
