آمريڪي صدر ڊونلڊ ٽرمپ آمريڪي فٽبالر فولرين بالوگن جي تڪراري ريڊ ڪارڊ تي فيفا جي صدر گياني انفنٽينو سان ڪيل گفتگو جا تفصيل بيان ڪري ڇڏيا آهن.
وائيٽ هائوس ۾ ميڊيا سان ڳالهائيندي ڊونلڊ ٽرمپ چيو ته هن فيفا تي ڪو به دٻاءُ ناهي وڌو، رڳو فيصلي تي نظرثاني جي درخواست ڪئي آهي، ڇاڪاڻ ته هو نه ٿو سمجهن ته اهو ڪو فاؤل هو.
سندس چوڻ هو ته ٻئي رانديگر رڳو هڪ ٻئي سان ٽڪرائجي ميدان تي بيهي رهيا، جنهن کي ريڊ ڪارڊ ڏيڻ جي برابر واقعو نٿو چئي سگهجي.
آمريڪي صدر چيو ته فيفا معطلي هٽائڻ جو فيصلو ڪري صحيح ۽ دانشمندانه قدم کنيو.
https://x.com/FoxNews/status/2074141395917394123?s=20
هن ريفري جي شروعاتي فيصلي تي به تنقيد ڪندي چيو ته اصل مسئلو ريڊ ڪارڊ ڏيکارڻ جو فيصلو هو پر اڪثر ماڻهو رڳو ان جي منسوخي جي ڳالهه ڪري رهيا آهن جڏهن ته ريفري جي غلطي کي نظرانداز ڪيو پيو وڃي.
واضح رهي ته فيفا بالوگن جي هڪ ميچ جي پابندي ختم ڪري ڇڏي هئي جنهن بعد هن کي بيلجيم خلاف ورلڊ ڪپ جي اهم ميچ ۾ کيڏڻ جو اهل قرار ڏنو ويو هو.
