فيفا ورلڊ ڪپ جو رنگ به سياسي شخصيتن تي چڙهڻ لڳو، ڪراچي جي ميئر بئريسٽر مرتضيٰ وهاب لياري جي شهرين سان ورلڊ ڪپ جي افتتاحي ميچ ڏٺي.
ان موقعي تي ميئر ڪراچي عوام سان مليا ۽ مداحن سان ميچ جو مزو ورتو.
مرتضيٰ وهاب چيو ته لياري پاڪستان ۾ فٽبال جو تاريخي مرڪز آهي ۽ هتي هميشه عالمي سطح جا رانديگر اڀريا آهن.
هن چيو ته چيئرمين پاڪستان پيپلز پارٽي بلاول ڀٽو جي هدايتن تي ڪراچي ۾ راندين لاءِ اسٽيٽ آف دي آرٽ سهولتون فراهم ڪيون پيون وڃن.
ميئر ڪراچي وڌيڪ چيو ته نوجوانن کي راندين جون جديد سهولتون ۽ مثبت سرگرمين جا وڌيڪ موقعا فراهم ڪيا ويندا. اڄ دنيا ڪراچي جو روشن، پرامن ۽ راندين سان پيار ڪندڙ حقيقي چهرو ڏسي رهي آهي.
مرتضيٰ وهاب چيو ته ڪراچي جي ترقي، راندين جي فروغ ۽ عوامي سهولتن لاءِ وڌيڪ قدم جاري رهندا.
