لوڪ ساهتيه نيشنل ايٿليٽڪس چيمپيئن شپ اين اي ڊي يونيورسٽي ڪراچي ۾ ٿيندي

54هين لوڪ ساهتيه نيشنل ايٿليٽڪس چيمپيئن شپ 14 مئي کان 17 مئي تائين اين اي ڊي يونيورسٽي ڪراچي ۾ کيڏي ويندي. پاڪستان ايٿليٽڪس فيڊريشن جي صدر برگيڊيئر رٽائرڊ وجاهت حسين مقامي هوٽل ۾ پريس بريفنگ ڏيندي ٻڌايو ته چئن ڏينهن واري چيمپيئن شپ جي 50 ايونٽس ۾ مردن جا 23 ۽ عورتن جا 25 ۽ ٻن مڪسڊ مقابلن ۾ سڄي ملڪ مان 500 رانديگرن ۽ 300 آفيسرن جي شرڪت جو امڪان آهي. ان موقعي تي چيئرمين لوڪل بورڊ ڊي آءِ جي ٽريفڪ پير محمد شاهه ۽ سيڪريٽري سنڌ ايٿليٽڪس ايسوسيئيشن اظهر صمداني پڻ موجود هئا. هن چيو ته چيمپيئن شپ ۾ نيشنل فيڊريشن جي سمورن 14 يونٽن جون ٽيمون حصو وٺنديون. جن ۾ چئني صوبن سنڌ، پنجاب، ڪي پي ڪي، بلوچستان، اسلام آباد، گلگت بلتستان ۽ آزاد ڪشمير جون ٽيمون به شامل هونديون. چيمپيئن شپ ۾ 100 ميٽر ريس جي فاتح کي پاڪستان جا تيز ترين مرد ۽ عورت قرار ڏنو ويندو. بهترين ڪارڪردگي ڏيکاريندڙ رانديگرن کي انعام ڏنا ويندا. برگيڊيئر رٽائرڊ وجاهت حسين چيو ته پاڪستان اولمپڪ ايسوسيئيشن پاران نيشنل ايٿليٽڪس فيڊريشن کي معطل ڪيو ويو آهي. فيڊريشن گهربل دستاويز پاڪستان اسپورٽس بورڊ کي جمع ڪرائي ڇڏيا آهن. انٽرنيشنل ايٿليٽڪس فيڊريشن قومي چيمپئن شپ جا نتيجا قبول ڪندي.



Source link