بين الصوبائي تعاون واري وزارت، پاڪستان اسپورٽس بورڊ ۽ فيڊرل ڊائريڪٽوريٽ آف ايجوڪيشن جي سهڪار سان ”مارڪا حق“ ميراٿون واک جو انعقاد ڪيو ويو.
تفصيل موجب پاڪستان اسپورٽس ڪامپليڪس کان سرينا چوڪ تائين ميراٿون واک ڪئي وئي، جنهن ۾ اسڪولن ۽ ڪاليجن جي شاگردن وڏي انگ ۾ شرڪت ڪئي.
ان موقعي تي آءِ پي سي واري وزارت جي سيڪريٽري چيو ته حق جي جنگ ان ڳالهه جي ياد ڏياري ٿي ته پوري قوم پنهنجي فوج سان گڏ بيٺي آهي. اڄ جو دورو اسان جي نوجوانن جي جذبي جي عڪاسي آهي جن پاڪستان جي آزادي لاءِ ڏنل قربانين جو اعتراف ڪيو آهي.
ڊي جي پاڪستان اسپورٽس بورڊ چيو ته اسان کي فخر آهي ته اسان شاگردن کي پنهنجي حب الوطني جو اظهار ڪرڻ جو موقعو ڏنو آهي. اسان جون فوجون اسان جو فخر آهن ۽ اسان جا رانديگر ۽ شاگرد هميشه ساڻن گڏ هوندا.
