اسلام آباد:
سپريم ڪورٽ جي فيصلي موجب ملتان سکر موٽر وي تي ڀونگ انٽرچينج جي اڏاوت بابت داخل درخواست تي سنڌ هاءِ ڪورٽ ۾ ٻڌڻي ٿي، جنهن ۾ انٽر چينج جي تعمير لاءِ فنڊز جي حوالي سان اهم اڳڀرائي ڪئي وئي.
مواصلات واري وزارت عدالت کي ٻڌايو ته وفاقي حڪومت منصوبي لاءِ 264 ملين رپين جا فنڊ جاري ڪيا آهن. اين ايڇ اي جي وڪيل به فنڊ جاري ڪرڻ جي تصديق ڪئي.
جسٽس محمد آصف جي سربراهي ۾ ڪيس جي ٻڌڻي ٿي، جنهن ۾ درخواستگذار رئيس منير پنهنجي وڪيل وقار رانا سان گڏ عدالت ۾ پيش ٿيو، جڏهن ته مواصلات واري وزارت ۽ اين ايڇ اي جا وڪيل به عدالت ۾ موجود هئا.
ٻڌڻي دوران رئيس منير جي وڪيل وقار رانا عدالت کي درخواست ڪئي ته ڪيس جي ٻڌڻي ملتوي ڪئي وڃي. ٻئي طرف سڌ سماءَ واري وزارت فنڊ جاري ٿيڻ بعد ڪيس نمائڻ جي درخواست ڪئي.
عدالت ڪيس جي وڌيڪ ٻڌڻي جون جي آخري هفتي تائين ملتوي ڪرڻ جو حڪم ڏئي ڇڏيو.
