فيڊرل بورڊ آف روينيو (ايف بي آر) جي چيئرمين راشد محمود لنگريال چيو آهي ته هلندڙ مالي سال 2025-26 دوران ٽيڪس وصولين ۾ نمايان اضافو ٿيو آهي ۽ جيڪڏهن ملڪ ۾ مٽا سٽا جي شرح بهتر ٿي ته سيلز ٽيڪس ۾ گهٽتائي ٿي سگهي ٿي. قومي اقتصادي سروي جاري ڪرڻ جي موقعي تي هڪ سوال جي جواب ۾ چيئرمين ايف بي آر راشد محمود لنگريال چيو ته قومي احتساب بيورو (نيب) پراڻين ملڪيتن جا تفصيل فراهم ڪري ڇڏيا آهن. چيئرمين ايف بي آر چيو ته اسان ترقي ۽ ڊالر جي مٽا سٽا جي شرح جو اندازو لڳايو آهي، جيڪڏهن مٽا سٽا جي شرح بهتر ٿي ته سيلز ٽيڪس گهٽ ڪري سگهجي ٿو. هن چيو ته جيڪڏهن ڊالر جي لحاظ کان ڏٺو وڃي ته فيڊرل بورڊ آف روينيو جون 2024ع ۾ 32.6 بلين ڊالر روينيو گڏ ڪيو، جڏهن ته گذريل مالي سال جون 2025ع ۾ 41.9 بلين ڊالر هئا، جڏهن ته هن سال جون تائين روينيو 46.4 بلين ڊالر کان وڌي وڃڻ جو امڪان آهي. راشد محمود لنگريال چيو ته ايف بي آر مان سفارش جو ڪلچر ختم ڪرڻ تي وزيراعظم ۽ قيادت جا ٿورا مڃيون ٿا، اسان ايف بي آر مان سفارش جو ڪلچر ختم ڪيو آهي، مثبت پاسن تي ڌيان ڏيڻ گهرجي.
Source link
Leave a Comment Leave a Comment
