لنڊن:
برطانوي پارليامينٽ جي ايوان (هائوس آف لارڊز) ۾ اهم بحث دوران پاڪستان جي سفارتي ڪردار کي ساراهيو ويو.
ڳالهين دوران لارڊ قربان حسين آمريڪا ۽ ايران وچ ۾ ڇڪتاڻ گهٽائڻ ۽ امن قائم ڪرڻ لاءِ پاڪستان جي ڪوششن کي ساراهيو.
هن چيو ته پاڪستان هن حساس صورتحال ۾ مثبت ۽ تعميري سفارتڪاري ذريعي اهم ڪردار ادا ڪيو.
لارڊ قربان حسين پنهنجي خطاب ۾ چيو ته پاڪستان حڪومت جي ڪوششن جي نتيجي ۾ جنگبندي جو معاهدو ممڪن ٿيو، جڏهن ته آمريڪا ۽ ايران وچ ۾ امن معاهدي جي تفصيلن تي به اڳڀرائي ٿي رهي آهي. هن پاڪستان جي ڪردار تي به شڪريو ادا ڪيو.
بحث دوران ايوان ۾ ان موقف کي مثبت انداز ۾ ورتو ويو ۽ پاڪستان جي سفارتي ڪوششن کي عالمي سطح تي اهم پيش رفت قرار ڏنو ويو.
