اسلام آباد:
پاڪستان ۽ آمريڪا وچ ۾ گڏيل واپاري معاهدي تي ڳالهيون واشنگٽن ۾ شروع ٿي ويون.
پرڏيهي آفيس جي ترجمان موجب پاڪستان ۽ آمريڪا وچ ۾ ”ريسيپروڪل ٽريڊ ايگريمينٽ“ (ريسيپروڪل ٽريڊ ايگريمينٽ) تي اهم ڳالهيون خميس ۽ جمعي تي واشنگٽن ڊي سي ۾ جاري آهن.
ملاقات ۾ ٻطرفي واپار جي فروغ ۽ واپاري تعاون جي مختلف پهلوئن تي خيالن جي ڏي وٺ ڪئي وئي. پاڪستاني وفد جي قيادت واپار وارو سيڪريٽري جواد پال ڪري رهيو آهي.
وفد ۾ ايڊيشنل سيڪريٽري طاهر اندرابي، سيڪريٽري او پي ايڇ آر ڊي نديم چوڌري ۽ جوائنٽ سيڪريٽري ٽيرف پاليسي اشفاق خان به شامل آهن. ٻين لاڳاپيل وزارتن جا نمائندا پڻ ورچوئل آن لائن پليٽ فارم ذريعي ڳالهين ۾ حصو وٺي رهيا آهن.
ڳالهين جو مقصد پاڪستان ۽ آمريڪا جي وچ ۾ گڏيل واپار کي وڌيڪ فروغ ڏيڻ، واپاري رڪاوٽون گهٽائڻ ۽ ٻنهي ملڪن جي گڏيل مفادن تي ٻڌل واپاري فريم ورڪ کي فروغ ڏيڻ آهي.
