گرين پاڪستان انيشي ايٽو جي مهرباني، بکر ۾ هڪ بنجر علائقو جديد زرعي ۽ برآمدي مرڪز ۾ تبديل ٿي ويو آهي.
پروگرام تحت زرعي شعبي ۾ جدت، برآمدات جي توسيع ۽ خودڪفالت لاءِ موثر انداز ۾ پيش رفت ٿي رهي آهي. پينٽيرا لميٽيڊ جي سي اي او فرقان علي اختر موجب رڳو 60 ڏينهن ۾ بکر ۾ 1800 ايڪڙن تي مشتمل جديد زرعي فارم تيار ڪري هڪ نئون مثال قائم ڪيو ويو آهي.
فرقان علي اختر موجب فارم تي 13 سينٽرل پيوٽ سسٽم ۽ 2.4 ميگاواٽ هائبرڊ سولر سسٽم ذريعي آبپاشي کي يقيني بڻايو پيو وڃي.
پينٽيرا فارمز جي چيف آپريٽنگ آفيسر فاروق سعيد موجب 4 مهينا اڳ هي زمين 20 کان 50 فوٽ اوچائي واريءَ جي دڙن تي مشتمل هئي، جنهن کي ٿوري ئي عرصي ۾ آباد ڪيو ويو. ڪل 1800 ايڪڙن مان 1300 ايڪڙ زمين پوکي رهي آهي جتي ڪڻڪ ۽ روڊس گراس پوکيو پيو وڃي جڏهن ته روڊس گراس به برآمد ڪيو پيو وڃي.
هن چيو ته جي پي آءِ جي مڪمل سهڪار، انفراسٽرڪچر جي سهڪار ۽ مسئلن جي بروقت حل کانسواءِ هي منصوبو شروع نه ٿئي ها. گرين ايگري مال ذريعي معياري ٻج، ڀاڻ ۽ زرعي سهولتن جي شفاف ۽ بروقت فراهمي کي يقيني بڻايو ويندو.
فاروق سعيد چيو ته گرين پاڪستان انيشي ايٽو ذريعي چيني ڪمپنين جي سهڪار سان پاڪستان ۾ پهريون هائبرڊ ٻج متعارف ڪرايو ويو آهي.
