وزيراعظم شهباز شريف سان بورڊ آف گورنرز جي چيئرمين سيد قمر رضا ۽ اوورسيز پاڪستانيز فائونڊيشن (او پي ايف) جي مئنيجنگ ڊائريڪٽر افضل ڀٽي ملاقات ڪئي.
وزيراعظم چيو ته پرڏيهه ۾ رهندڙ پاڪستاني قوم جو قيمتي اثاثو آهن، پرڏيهه ۾ رهندڙ پاڪستاني پنهنجي محنت جي ڪمائي پاڪستان موڪلي پرڏيهي مٽاسٽا ۾ اهم ڪردار ادا ڪن ٿا.
هن چيو ته پرڏيهه ۾ رهندڙ پاڪستانين جي ڀلائي لاءِ جاري منصوبن ۽ شروعاتن کي تيز ڪيو وڃي.
اجلاس ۾ وزيراعظم کي پرڏيهه ۾ رهندڙ پاڪستانين جي ڀلائي جي لاءِ وڌيڪ قدمن جي پلان آف ايڪشن بابت به آگاهه ڪيو ويو.
چيئرمين بورڊ آف گورنرز ۽ ايم ڊي او پي ايف عالمي امن لاءِ پاڪستان جي ڪوششن تي وزيراعظم کي خراج تحسين پيش ڪيو.
وزيراعظم او پي ايف جي عملن تي اطمينان جو اظهار ڪندي وڌيڪ بهتري لاءِ جامع ايڪشن پلان تيار ڪري پيش ڪرڻ جي هدايت ڪئي.
