وزيراعظم شهباز شريف گذريل رات متحده عرب امارات ۾ ميزائل ۽ ڊرون حملن جي سخت مذمت ڪئي آهي.
وزيراعظم چيو ته هو يو اي اي ۾ ميزائل ۽ ڊرون حملن تي شيخ محمد بن زيد النهيان سان مڪمل يڪجهتي جو اظهار ڪري ٿو.
شهباز شريف چيو ته پاڪستان هن ڏکئي وقت ۾ متحده عرب امارات جي حڪومت ۽ اماراتي ڀائرن سان گڏ بيٺل آهي.
هن چيو ته اهو تمام ضروري آهي ته جنگبندي کي برقرار رکيو وڃي ۽ ان جو احترام ڪيو وڃي، خطي ۾ پائيدار امن ۽ استحڪام لاءِ ڳالهين لاءِ ضروري سفارتي گنجائش فراهم ڪئي وڃي.
