آمريڪي اخبار وال اسٽريٽ جرنل پنهنجي هڪ رپورٽ ۾ دعويٰ ڪئي آهي ته ايران خلاف آمريڪا ۽ اسرائيل جي جاري جنگ دوران گڏيل عرب امارات ڳجهي طرح ايران جي اندر ڪيترائي حملا ڪيا. رپورٽ موجب انهن ڪاررواين ۾ ايران جي اهم توانائي مرڪزن کي نشانو بڻايو ويو.
رپورٽ ۾ ذريعن جي حوالي سان ٻڌايو ويو آهي ته يو اي اي ايران جي لان ٻيٽ تي هڪ آئل ريفائنري تي حملو ڪيو جنهن سبب وڏي باهه لڳي وئي ۽ ريفائنري کي عارضي طور تي بند ڪري ڇڏيو.
ٻڌايو ويو آهي ته اهو حملو اپريل جي شروعات ۾ ڪيو ويو جڏهن آمريڪي صدر ٽرمپ ايران سان جنگ بندي جي اعلان جي تياري ڪري رهيو هو.
وال اسٽريٽ جرنل موجب هڪ ذريعن دعويٰ ڪئي آهي ته آمريڪا خاموشي سان جنگ ۾ متحده عرب امارات جي شموليت جي آجيان ڪئي. جڏهن ته آمريڪي حڪومت طرفان ان حوالي سان ڪوبه باضابطه بيان سامهون ناهي آيو.
رپورٽ ۾ وڌيڪ چيو ويو آهي ته ايران انهن حملن جو جواب يو اي اي ۽ ڪويت تي بيلسٽڪ ميزائل ۽ ڊرون حملا ڪري ڏنو.
ذريعن موجب ايران گڏيل عرب امارتن تي سڀ کان وڌيڪ حملا ڪيا جن جو اندازو لڳ ڀڳ 2800 آهي، جيڪو اسرائيل تي حملن کان به وڌيڪ هو.
رپورٽ موجب انهن حملن جي نتيجي ۾ يو اي اي جي معيشت متاثر ٿي آهي، ڪيترن ئي ادارن ۾ برطرفيون ۽ جبري برطرفيون ڪيون ويون آهن، جڏهن ته ملڪ جي سيڪيورٽي پاليسي ۾ وڏيون تبديليون ڪيون ويون آهن.
UAE جي پرڏيهي وزارت رپورٽ تي سڌو سنئون تبصرو ڪرڻ کان انڪار ڪيو، پر هڪ اڳوڻي بيان جو حوالو ڏنو ويو آهي ته يو اي اي کي پنهنجي سيڪيورٽي جو دفاع ڪرڻ ۽ جواب ڏيڻ جو حق آهي.
رپورٽ هڪ اهڙي وقت ۾ سامهون آئي آهي جڏهن وچ اوڀر ۾ ايران، اسرائيل ۽ آمريڪا وچ ۾ ڇڪتاڻ عالمي ڌيان جو مرڪز بڻيل آهي.
