ٽام هالينڊ جو ارلنگ هالينڊ کي ملاقات جو پيغام، اسٽار فٽبالر جو ڇا جواب هو؟

هالي ووڊ اسٽار ٽام هالينڊ انڪشاف ڪيو آهي ته هن مانچسٽر سٽي جي اسٽار فٽبالر ارلنگ هالينڊ سان دوستي ڪرڻ جي ڪوشش ڪئي پر کيس اهڙو جواب مليو جنهن جي کيس اميد نه هئي. 25 سالن جي اداڪار آمريڪي ٽي وي پروگرام ”دي ٽونائيٽ شو اسٽارنگ جمي فالن“ ۾ ٻڌايو ته هن سوشل ميڊيا تي ارلنگ هالينڊ کي سڌو سنئون پيغام موڪليو، پر فٽبالر طرفان ڪو به جواب نه مليو. شو جي ميزبان جمي فالون سوشل ميڊيا تي وائرل ٿيل پوسٽ جو حوالو ڏيندي چيو ته ارلنگ هالينڊ کي اها به خبر نه هئي ته ٽام هالينڊ ڪير آهي ڇو ته هو فلمون نه ڏسندو آهي ان ڪري هن اداڪار جي پيغام کي اجنبي لاءِ غلط سمجهيو. جمي فالن پوءِ ٽام کان پڇيو ته ڇا هن واقعي هالينڊ کي ٽيڪسٽ ڪيو هو. ان سوال جي جواب ۾ ٽام هالينڊ کلندي اعتراف ڪيو ته اهو بلڪل سچ آهي. هن چيو ته هڪ اداڪار جي حيثيت سان اهڙا تجربا انسان کي حقيقت جو احساس ڏيارين ٿا. سندس چوڻ هو ته ”مون سوچيو هو ته کيس ميسيج ڪريان، ٿي سگهي ٿو ساڻس رات جي ماني لاءِ ملان، پر ڪو به جواب نه آيو، ڪو عذر، اهو به نه چيو ويو ته مان اڄ مصروف آهيان. هن چيو ته ان موقعي تي هن ارلنگ هالينڊ کي هاسپيٽلٽي سوٽ ۾ سامهون ڏٺو، تنهنڪري هن سوچيو ته پنهنجي قسمت آزمائي ۽ کيس پيغام موڪليان. انسٽاگرام تي هي پوسٽ ڏسو اداڪار مذاق ڪندي چيو ته هن ڪڏهن سوچيو به نه هو ته هڪ ڏينهن هو اها ڪهاڻي لائيو ٽي وي شو ۾ ٻڌائيندو پر هاڻي ائين ٿي رهيو آهي. جڏهن جمي فالن کان پڇيو ويو ته ڇا هو اڃا به ارلنگ هالينڊ سان رات جي ماني کائڻ چاهيندو، ٽام هالينڊ کلندي چيو، “مان نه ٿو سمجهان ته هو هاڻي مون سان گڏ رات جي ماني کائڻ پسند ڪندو.” هن جو حوالو انگلينڊ جي تازي ناروي تي 2-1 جي فتح جو هو، جنهن ۾ ارلنگ هالينڊ جي ٽيم هارائي هئي.



Source link