اسلام آباد:
SIFC جي سهڪار سان پاڪستان ۾ صحت ۽ فارما جي شعبي ۾ جديد ٽيڪنالاجي، سيڙپڪاري ۽ صنعتي تعاون جا نوان رستا پڌرا ٿي رهيا آهن.
SIFC وفاقي وزارت صحت ۽ ڊرگ ريگيوليٽري اٿارٽي پاران 2 ڏينهن واري پاڪ-چائنا دواسازي ڪانفرنس منعقد ڪئي پئي وڃي، پاڪستان-چائنا فارماسيوٽيڪل اينڊ هيلٿ ڪيئر بي 2 بي انويسٽمينٽ ڪانفرنس 17 ۽ 18 جولاءِ تي اسلام آباد ۾ ٿيندي.
ڪانفرنس جو مقصد پاڪستان ۽ چين جي وچ ۾ فارماسيوٽيڪل، هيلٿ ڪيئر ۽ بايو ٽيڪنالاجي ۾ سيڙپڪاري ۽ صنعتي تعاون کي فروغ ڏيڻ آهي. ڪانفرنس دوران بزنس ٽو بزنس ملاقاتون، نيٽ ورڪنگ ۽ سيڙپڪاري بابت خاص سيشن پڻ منعقد ڪيا ويندا، جڏهن ته گڏيل منصوبن، ٽيڪنالاجي جي منتقلي، مقامي پيداوار، ڪانٽريڪٽ جي پيداوار ۽ تحقيقي تعاون جي موقعن تي خيالن جي ڏي وٺ ڪئي ويندي.
ڪانفرنس پاڪستان جي صحت جي سار سنڀار جي نظام کي جديد بڻائڻ ۽ دواسازي جي صنعت جي مقابلي جي صلاحيت وڌائڻ ۾ اهم ڪردار ادا ڪندي.
