انٽرنيشنل ڪرڪيٽ ڪائونسل (آءِ سي سي) ٽيسٽ ڪرڪيٽ ۾ خراب روشني سبب ضايع ٿيندڙ وقت کي گهٽائڻ لاءِ هڪ وڏي ٽيسٽ منصوبي جي منظوري ڏئي ڇڏي آهي.
نئين فيصلي تحت ٽيسٽ ميچن ۾ جتي خراب روشني سبب راند متاثر ٿيڻ جو خدشو آهي، اتي ميچ شروع ٿيڻ کان اڳ ٻنهي ٽيمن جي رضامندي سان ڳاڙهي بال جي بدران گلابي بال کي استعمال ڪري سگهجي ٿو.
احمد آباد ۾ ٿيل آءِ سي سي بورڊ جي اجلاس ۾ ان فيصلي جي منظوري ڏني وئي.
گلابي بال اڃا تائين صرف ڏينهن رات جي ٽيسٽ ميچن ۾ استعمال ڪيو ويو آهي، پر نئين تجربي جو مقصد فلڊ لائيٽس ۾ کيڏڻ جاري رکڻ ۽ خراب روشنيءَ سبب اوور وڃائڻ کي گهٽائڻ آهي.
آءِ سي سي ون ڊي ۽ ٽي 20 انٽرنيشنل ڪرڪيٽ ۾ هيڊ ڪوچ يا نامزد ڪيل سپورٽ اسٽاف کي به اجازت ڏني آهي ته هو مشروبات جي وقفي دوران ميدان جو دورو ڪن ۽ رانديگرن سان صلاح ڪن.
ان کان علاوه ٽي 20 انٽرنيشنل ۾ اننگز جي وچ ۾ وقفو 15 منٽ مقرر ڪيو ويو آهي جڏهن ته ليگ وائيڊ بالز تي فيصلن لاءِ گائيڊ لائنز جي استعمال کي مستقل قانون جو حصو بڻايو ويو آهي.
شڪي بالنگ ايڪشن جي جاچ لاءِ امپائرز کي هاڪي ڊيٽا تائين رسائي پڻ ڏني ويندي.
