سنڌ هاءِ ڪورٽ پاڪستاني نژاد 2 آمريڪي اڳوڻن مڙسن جي ٻارن جي بازيابي بابت درخواست تي پاڪستان ۾ رهندڙ ٻارن جي ماءُ کي نوٽيس جاري ڪري ڇڏيا آهن.
سنڌ هاءِ ڪورٽ ۾ پاڪستاني نژاد 2 آمريڪي اڳوڻن مڙسن جي ٻارن جي حوالگي بابت درخواست جي ٻڌڻي ٿي. ٻارڙن ۾ 7 ورهين جي عنايه ۽ 5 ورهين جو علي شامل آهن.
درخواستگذار عشر علي جي وڪيل موقف اختيار ڪيو ته مڙس ۽ زال جي علحدگي کانپوءِ آمريڪا ۾ ماءُ جي حراست ماءُ وٽ هئي.
آمريڪا ۾ عدالتي فيصلي موجب ٻنهي ٻارن جي تحويل ۾ 4 وڳي کان 7 وڳي تائين پيءُ جي حوالي ڪيو ويو. ڪجهه وقت کان پوءِ فضا فريد بنا ڪنهن اطلاع جي پنهنجي ٻار سميت پاڪستان پهچي وئي. ٻارن کي پاڪستان آڻڻ آمريڪي عدالت جي حڪم جي ڀڃڪڙي آهي. ٻارن جي والد کي سفارتخاني ذريعي خبر پئي ته فضا فريد پاڪستان پهچي وئي آهي.
آمريڪا ۾ اربين ڊالرن جي فراڊ جي الزام ۾ فضا فريد خلاف جاچ هلي رهي آهي. فضا فريد تي ڪورونا دوران آمريڪا کي صحت جون شيون برآمد ڪرڻ ۾ فراڊ جو الزام آهي. جنهن سبب فضا فريد ميڪسيڪو کان غير قانوني طور پاڪستان پهتي.
هيگ ڪنوينشن تحت ٻارن کي ان ملڪ ۾ واپس ڪيو ويندو جتي اهي پيدا ٿيا هئا. پاڪستان هيگ ڪنوينشن جي پڌرنامي تي دستخط ڪندڙ ملڪن مان هڪ آهي. عدالت پاڪستان ۾ رهندڙ ٻارن جي ماءُ کي نوٽيس جاري ڪندي ٻڌڻي 4 هفتن لاءِ ملتوي ڪري ڇڏي.
