پاڪستان ڪرڪيٽ ٽيم جي ويسٽ انڊيز ۽ انگلينڊ جي دوري لاءِ 17 رڪني ٽيسٽ اسڪواڊ کي حتمي شڪل ڏني وئي آهي جڏهن ته قومي اسڪواڊ جو باضابطا اعلان جلد ٿيڻ جو امڪان آهي. ميڊيا رپورٽن موجب سليڪشن ڪميٽي ٽيم ۾ ڪجهه اهم تبديلين جي سفارش ڪئي آهي جنهن تحت فاسٽ بالر شاهين شاهه آفريدي، اسپنر نعمان علي ۽ فاسٽ بالر حسن علي کي اسڪواڊ مان ٻاهر ڪرڻ جو امڪان آهي. ذريعن جو چوڻ آهي ته نوجوان رانديگرن کي موقعو ڏيڻ واري پاليسي تحت پهريون ڀيرو قومي ٽيسٽ اسڪواڊ ۾ علي عثمان، اويس ظفر ۽ عبيد شاهه جي شموليت جو امڪان آهي. ٻئي طرف وڪيٽ ڪيپر بيٽسمين محمد رضوان ۽ مڊل آرڊر بيٽسمين سعود شڪيل جي ٽيم ۾ شموليت سندن فٽنيس سان مشروط هوندي، جنهن جو فيصلو ميڊيڪل ڪليئرنس کانپوءِ ڪيو ويندو. واضح رهي ته پاڪستان ۽ ويسٽ انڊيز وچ ۾ ٻن ٽيسٽ ميچن تي مشتمل سيريز 25 جولاءِ کان شروع ٿيندي، جنهن کانپوءِ قومي ٽيم انگلينڊ خلاف ٽيسٽ سيريز ۾ به شرڪت ڪندي.
Source link
Leave a Comment Leave a Comment
