پاڪستان نيوي اتر عربي سمنڊ ۾ ملڪ ۾ تيار ڪيل اينٽي شپ بيلسٽڪ ميزائل جو ڪامياب تجربو ڪيو آهي. پاڪستان نيوي جي جهاز مار ڪندڙ تيز رفتار ميزائل ڊگهي رينج جي هدف کي انتهائي درستي سان نشانو بڻايو. پاڪ بحريه جي سربراهه ايڊمرل نويد اشرف سميت منصوبي سان لاڳاپيل سائنسدانن ۽ انجنيئرن ميزائل فائرنگ کي ڏٺو. جديد ھدايت واري نظام ۽ ٻين خصوصيتن سان ليس ھي ميزائل دشمن جي دفاعي نظامن کي ڀڄڻ ۽ پنھنجي حدف کي وڏي درستي سان مارڻ جي صلاحيت رکي ٿو. ميزائل جو ڪامياب تجربو پاڪستان نيوي جي فني برتري ۽ آپريشنل مهارت جو مظهر آهي. پاڪستان جي صدر، وزيراعظم، چيف آف ڊفينس فورسز ۽ چيفس آف سروسز ڪامياب ميزائل ٽيسٽ ۾ حصو وٺندڙ يونٽن ۽ سائنسدانن کي مبارڪباد ڏني.
Source link
Leave a Comment Leave a Comment
