پاڪستان وومين ڪرڪيٽ ٽيم ٽه ملڪي سيريز لاءِ سومر تي آئرلينڊ رواني ٿيندي

پاڪستان وومين ڪرڪيٽ ٽيم آءِ سي سي وومينز ٽي ٽوئنٽي ورلڊ ڪپ جي تيارين کي حتمي شڪل ڏيڻ ۽ ان کان اڳ ٽي ملڪي ٽي ٽوئنٽي وومين ٽورنامينٽ ۾ شرڪت لاءِ سومر تي آئرلينڊ روانو ٿي رهي آهي. سيريز جو مقصد 12 جون کان 5 جولاءِ تائين انگلينڊ ۽ ويلز ۾ کيڏي ويندڙ آءِ سي سي وومين ٽي 20 ورلڊ ڪپ کان اڳ قومي وومين ٽيم جي آخري تياري آهي، پاڪستان وومين ٽيم ايونٽ ۾ 2، 2 ميچون کيڏندي. آل رائونڊر فاطمه ثنا ٽي ملڪي سيريز ۽ ورلڊ ٽي 20 ڪپ ۾ پاڪستان وومين ٽيم جي قيادت ڪندي. پاڪستان وومين اسڪواڊ ۾ فاطمه ثنا، عاليه رياض، عائشه ظفر، ڊيانا بيگ، ايمان فاطمه، گل فيروزه، ارم جاويد، منيبا علي صديقي، ناصره سنڌو، نتاليا پرويز، رامين شميم، سعديه اقبال، سائره جبين، تسميه رباب ۽ طوبيٰ حسن شامل آهن. امبر ڪائنات، مومنه رشتا، صدف شمس، سدرا امين، سيده عروب شاهه ۽ ام هاني ريزرو رانديگر آهن. پاڪستان وومين ٽيم ورلڊ ڪپ ۾ پنهنجي سفر جي شروعات 14 جون تي برمنگهم ۾ روايتي حریف ڀارت سان ڪندي، گروپ اسٽيج جي ٻئين ميچ ۾ 17 جون تي ڏکڻ آفريڪا، 20 جون تي بنگلاديش ۽ 23 جون تي آسٽريليا کي برسٽول ۾ پنهنجي 5هين ۽ آخري ميچ ۾ 27 جون تي هالينڊ سان منهن ڏيڻو پوندو. هوڏانهن آئرلينڊ جي دوري لاءِ پاڪستان وومين ٽيم جي 4 ڏينهن واري مختصر تربيتي ڪيمپ اربع کان ايل سي سي اي گرائونڊ لاهور ۾ شروع ٿي وئي آهي، جيڪا ڇنڇر تائين جاري رهندي. بعد ۾ سومر تي قومي وومين ٽيم پنهنجي منزل ڏانهن روانو ٿي ويندي، واضح رهي ته پاڪستان وومينز تازو ئي ڪراچي ۾ زمبابوي خلاف ٽي ٽوئنٽي وومينز سيريز ۾ 0-3 تان ڪلين سوئپ ڪيو هو.



Source link