راولپنڊي:
ترڪي ۾ پاڪ-ترڪ ڪمانڊوز ۽ اسپيشل فورسز جي گڏيل مشق ”جنانا XIII“ ڪاميابي سان مڪمل ٿي وئي.
پاڪ فوج جي عام لاڳاپن واري شعبي (آءِ ايس پي آر) موجب ان مشق ۾ دهشتگردي خلاف آپريشنز تي خاص ڌيان ڏنو ويو. ان مشق ۾ پاڪ فوج جي جوانن پنهنجي ترڪ هم منصبن سان گڏ ڀرپور حصو ورتو.
مشق ۾ تربيتي سرگرميون ترڪي جي راڄڌاني انقره ۽ اسپارٽا ۾ منعقد ڪيون ويون. مشق دوران ٻنهي ملڪن جي فوجن اعليٰ پيشيوراڻي صلاحيتن ۽ آپريشنل صلاحيتن جو مظاهرو ڪيو ۽ سمورا تربيتي ۽ فوجي سفارتي مقصد ڪاميابي سان حاصل ڪيا ويا.
آءِ ايس پي آر موجب مشق جو بنيادي مقصد دهشتگردي خلاف حڪمت عملين، طريقيڪار ۽ ٽيڪنالاجي کي وڌيڪ بهتر بڻائڻ هو. ان دوري دوران شهري علائقن ۾ دستي بم کي منهن ڏيڻ لاءِ جنگي صلاحيتن ۽ تربيت تي خاص ڌيان ڏنو ويو.
بيان ۾ وڌيڪ چيو ويو آهي ته ان گڏيل مشق پاڪستان ۽ ترڪي جي وچ ۾ پراڻن ۽ مضبوط فوجي لاڳاپن کي وڌيڪ هٿي ڏني.
