لاهور:
ڪوڪين ڪوئن انمول عرف پنڪي کي ڪيسن ۾ ڪيترو رليف مليو؟ کيس بچائڻ ۾ ڪهڙو آفيسر ملوث هو، جاچ جو دائرو وسيع ڪيو ويو آهي.
پوليس منشيات سمگلر انمول عرف پنڪي خلاف جاچ جو دائرو وسيع ڪري ڇڏيو آهي. ڊي آءِ جي انويسٽيگيشن لاهور سيد ذيشان رضا ايس پي سي آر او جي سربراهي ۾ هڪ خاص ڪميٽي جوڙي ڇڏي آهي جيڪا لاهور جي سمورن ٿاڻن ۾ گذريل 10 سالن ۾ پنڪي جو رڪارڊ چيڪ ڪندي.
ذريعن موجب انمول عرف پنڪي خلاف لاهور ۾ هن وقت تائين 4 ڪيس سامهون اچي چڪا آهن. پنڪي خلاف ڪوٽ لکپت، اقبال ٽائون، لياقت آباد ۽ وحدت ڪالوني ٿاڻن ۾ نامزد ڪيس داخل ڪيا ويا آهن.
ذريعن جو چوڻ آهي ته پنڪي جو ڪنهن به ڪيس ۾ چالان ناهي ڪيو ويو جڏهن ته چئن ڪيسن ۾ سندس گرفتاري التوا ۾ آهي. ڪميٽي ان ڳالهه جي به جاچ ڪري رهي آهي ته پنڪي کي ڇو گرفتار نه ڪيو ويو، پنڪي کي بازياب ڪرائڻ ۾ ڪهڙا پوليس آفيسر ملوث هئا ۽ ڪهڙي آفيسر ڪيتري رشوت ورتي.
ڊي آءِ جي انويسٽيگيشن لاهور سيد ذيشان رضا چيو آهي ته فرضن ۾ لاپرواهي ڪندڙ آفيسر ڪنهن رعايت جا مستحق ناهن. هن وڌيڪ چيو ته پنڪي کي بازياب ڪرائڻ ۾ ملوث آفيسرن خلاف فوجداري دفعات تحت ڪيس داخل ڪيا ويندا.
