انگلينڊ ۾ جاري ٽن ون ڊي سيريز جي پهرين ميچ ۾ ڀارت ميزبان ٽيم کي 6 وڪيٽن تان شڪست ڏئي ڇڏي. برمنگهم ۾ کيڏيل ميچ ۾ ڀارت 259 رنسن جو هدف 45.2 اوورن ۾ 4 وڪيٽن جي نقصان تي حاصل ڪري ورتو. ڀارت طرفان ڪپتان شبمن گل 80 رنسون ٺاهيون، جڏهن ته اڪشر پٽيل 57 ۽ واشنگٽن سندر 52 رنسون ٺاهي ناٽ آئوٽ ٿي پويلين موٽيا. انگلينڊ طرفان شرياس آئر 35، روهت شرما 11، ويرات ڪوهلي 5 ۽ ڪي ايل راهول 1 رنسون ٺاهي آئوٽ ٿيا، انگلينڊ طرفان جوش ٽنگ، سام ڪران ۽ جوفرا آرچر هڪ هڪ وڪيٽ ورتي. ان کان اڳ انگلينڊ جي ٽيم ٽاس کٽي پهريان بيٽنگ ڪندي 47.5 اوورن ۾ 258 رنسون ٺاهي آئوٽ ٿي وئي. انگلينڊ طرفان جو روٽ 74 رنسون ٺاهي ناٽ آئوٽ رهيو. ليام ڊوسن به 68 رنسون ٺاهي اهم ڪردار ادا ڪيو. ٻين بيٽسمينن ۾ بين ڊڪٽ 43، ول جيڪس 20، جيڪب بيٿل 14، جوفرا آرچر 12، جوس بٽلر 5، ڪپتان هيري بروڪ 1، عادل اشد 1 جڏهن ته سام ڪيورن ۽ جوش ٽنگ بنا ڪنهن رنسون ٺاهي آئوٽ ٿيا. ڀارت طرفان اڪشر پٽيل 4 جڏهن ته پرساد ڪرشنا ۽ گرنور برار 2-2 وڪيٽون ورتيون. جسپريت بمرا ۽ شيوم دوبي 1، 1 وڪيٽ ورتي.
Source link
Leave a Comment Leave a Comment
