”پيءُ ظلم ڪندو هو، پنهنجي مرضي سان شادي ڪئي“ سنڌ هاءِ ڪورٽ ۾ گم ٿيل نينگري جو بيان

سنڌ هاءِ ڪورٽ جي آئيني بئنچ ۾ نابالغ ڇوڪرين جي بازيابي بابت درخواست تي ٻڌڻي دوران پوليس ٻنهي ڇوڪرين کي عدالت ۾ پيش ڪيو. پوليس عدالت کي ٻڌايو ته ڇوڪري جي شادي قربان نالي ڇوڪري سان ٿي آهي. درخواستگذار جي وڪيل بشرا عباس ايڊووڪيٽ دليلن ۾ چيو ته وڏي ڇوڪري 14 سالن جي آهي جنهن کي قربان نالي شخص اغوا ڪيو آهي، جڏهن ته 14 ورهين جي بيبو پنهنجي 6 ورهين جي ڀيڻ علينا کي به پاڻ سان گڏ کڻي وئي آهي. عدالت ۾ پيشي دوران ڇوڪرين جي پيءُ حيات الله چيو ته هو ڇوڪرين کي ڏسڻ لاءِ ترسندو هو. ڇوڪري بيبو بيان ڏيندي چيو ته سندس پيءُ ڏاڍا ظلم ڪندو هو، ان ڪري مون پنهنجي مرضي سان شادي ڪئي، جنهن تي عدالت جاچ آفيسر کي ڇوڪري جو بيان رڪارڊ ڪرڻ جي هدايت ڪئي. درٻار ۾ پيءُ ڌيئرن کي ڀاڪر پائڻ جي ڪوشش ڪندو رهيو پر ڇوڪرين پيءُ سان ملڻ کان انڪار ڪيو.



Source link