پي ايس ايل جون ٽڪيٽون خريد ڪرڻ ۾ ڏکيائي، ٽريفڪ تيز هجڻ سبب ويب سائيٽ جو سرور جواب ڏئي رهيو آهي

پي ايس ايل 11 ڪواليفائرز جي آن لائن ٽڪيٽنگ ويب سائيٽ جو سرور سخت ٽريفڪ سبب ڊاؤن ٿي ويو. نيشنل اسٽيڊيم ڪراچي ۾ کيڏي ويندڙ ڪواليفائرز جي اي ٽڪيٽن جي وڪرو اڱاري تي شروع ٿي وئي، جڏهن ته ٽڪيٽن جي خريداري ۾ غير معمولي دلچسپي نظر آئي. اداري موجب، ماهر فني خرابي کي درست ڪرڻ جي ڪوشش ڪري رهيا آهن. واضح رهي ته پي سي بي اعلان ڪيو آهي ته اڱاري تي نيشنل اسٽيڊيم ڪراچي ۾ کيڏي ويندڙ پي ايس ايل 11 ڪواليفائر لاءِ اي ٽڪيٽون اداري جي ويب سائيٽ https://pcb.tcs.com.pk تان خريد ڪري سگهجن ٿيون. پي سي بي پاران جاري ڪيل پڌرائي موجب اي-ٽڪيٽ وارا مداح پنهنجي موبائيل فون تي ٽڪيٽ اسڪين ڪري اسٽيڊيم ۾ داخل ٿي سگهندا، اي ٽڪيٽن جو پرنٽ آئوٽ به داخلا لاءِ قابل قبول هوندو. پشاور زلمي ۽ اسلام آباد يونائيٽيڊ وچ ۾ ٿيندڙ هن ميچ ۾ نيشنل بئنڪ اسٽيڊيم جي هر انڪلوزر جي ٽڪيٽ جي قيمت 5 رپيا مقرر ڪئي وئي آهي. اعلان ۾ وڌيڪ چيو ويو آهي ته ڪواليفائرز لاءِ اي ٽڪيٽن جو وڪرو سومر جي رات کان شروع ڪيو ويندو، جڏهن ته فزيڪل ٽڪيٽون اڱاري جي صبح کان دستياب هونديون.



Source link