پاڪستان سپر ليگ (پي ايس ايل) سيزن 11 جي رانديگرن کي مختلف انفرادي ايوارڊن سان نوازيو ويو. پي ايس ايل 11 جو ٽائيٽل کٽيندڙ ٽيم پشاور زلمي جي ڪپتان بابر اعظم کي 588 رنسن سان ٽورنامينٽ جو بهترين بيٽسمين قرار ڏنو ويو، کيس گولڊن بيٽ ۽ حنيف محمد کي ڪيپ ڏني وئي. پشاور زلمي جي فرحان يوسف کي بهترين فيلڊر جو ايوارڊ ڏنو ويو جڏهن ته اسلام آباد يونائيٽيڊ جي ڪپتان شاداب خان کي بهترين آل رائونڊر جو ايوارڊ ڏنو ويو. پليئر آف دي ٽورنامينٽ جو ايوارڊ پشاور زلمي جي سفيان مقيم کي مليو، جنهن 22 وڪيٽون وٺي بهترين بالر جو ايوارڊ پڻ حاصل ڪيو ۽ فضل محمود کي ڪيپ ڏني وئي. ڪوشل مينڊس کي بهترين وڪيٽ ڪيپر قرار ڏنو ويو جڏهن ته حيدرآباد ڪنگز جي حنين شاهه کي ٽورنامينٽ جي ايمرجنگ پليئر آف دي ٽورنامينٽ جو ايوارڊ ڏنو ويو. آصف يعقوب کي پي ايس ايل 11 جو بهترين امپائر قرار ڏنو ويو، جڏهن ته حيدرآباد ڪنگزمين کي اسپرٽ آف دي ڪرڪيٽ ايوارڊ سان نوازيو ويو.
Source link
Leave a Comment Leave a Comment
