ڀارتي ڳائڻي ۽ ريپر بادشاه جو نائيٽ ڪلب ضابطن جي ڀڃڪڙي تي سيل ڪيو ويو آهي. ڀارتي ميڊيا رپورٽن موجب اها ڪارروائي چندي گڑھ ۾ بادشاه جي نائيٽ ڪلب ”ساگو بائي بادشاه“ خلاف ڪئي وئي، جنهن کي شهر انتظاميه جي انفورسمينٽ ونگ بند ڪري سيل ڪيو. اختيارين جو چوڻ آهي ته اهو قدم ڪلب ۾ وڏي پيماني تي غير مجاز اڏاوتون سامهون اچڻ کانپوءِ ورتو ويو آهي. رپورٽ ۾ چيو ويو آهي ته نائيٽ ڪلب جي گرائونڊ ۽ سيڪنڊ فلور تي غير قانوني اڏاوتون ڪيون ويون، جن ۾ ڪيبن ۽ پارٽيشنز، واش رومز ۽ ڪچن جي اضافي تعمير شامل آهن. ان کان علاوه ٽين شيڊن جي انسٽاليشن، اضافي اسٽوريج ايرياز ٺاهڻ ۽ منظور ٿيل بلڊنگ پلان ۾ تبديلين جهڙا مسئلا به سامهون آيا. وڌيڪ تفصيل موجب انسپيڪشن دوران عمارت جي پوئين حصي ۾ ڦيرڦار به نوٽ ڪئي وئي، جنهن کانپوءِ سنگين ڀڃڪڙين جي بنياد تي نائيٽ ڪلب کي سيل ڪرڻ جو فيصلو ڪيو ويو.
Source link
Leave a Comment Leave a Comment
